जतवार्ता न्यूज नेटवर्क;
राजकारणात अनेक चेहरे पुढे येतात, मात्र निवडणूक जिंकल्यानंतरही जनतेशी नाळ जोडून ठेवणारे आणि सातत्याने काम करणारे नेतृत्व फारच मोजके असते. शेगांव जिल्हा परिषद गटात अशाच कार्यकर्तृत्वामुळे नाथा पाटील यांचे नाव सध्या चर्चेच्या केंद्रस्थानी आले आहे.
नाथा पाटील हे केवळ निवडणुकीपुरते सक्रिय असणारे उमेदवार नसून, जनतेच्या सुख-दुःखात कायम सहभागी होणारे नेतृत्व म्हणून ओळखले जातात. कोणत्याही नागरिकाने कधीही संपर्क साधला तरी “हे माझं काम नाही” असे न म्हणता तात्काळ मदतीसाठी पुढे येणे, ही त्यांची खास ओळख असल्याचे ग्रामस्थ सांगतात.
सामाजिक बांधिलकी जपत नाथा पाटील यांनी महिलांसाठी मोफत सहली, समाजोपयोगी रक्तदान शिबिरे, तसेच गावातील उत्साह व एकोप्याला चालना देणाऱ्या बैलगाडा शर्यतीसारख्या सांस्कृतिक उपक्रमांचे सातत्याने आयोजन केले आहे. महिलांचा सन्मान, युवकांना प्रोत्साहन आणि समाजाला एकत्र ठेवण्याचा त्यांचा प्रयत्न विविध कार्यक्रमांतून स्पष्टपणे दिसून येतो.
शेतकरी हा नाथा पाटील यांच्या जिव्हाळ्याचा विषय मानला जातो. शेतकऱ्यांच्या प्रश्नांसाठी आंदोलने असोत वा उपोषण, ते नेहमीच पुढच्या रांगेत उभे राहिले आहेत. केवळ आश्वासनांवर समाधान न मानता संघर्ष आणि प्रत्यक्ष कृतीवर विश्वास ठेवणारे नेतृत्व म्हणून त्यांची ओळख निर्माण झाली आहे.
आज शेगांव जिल्हा परिषद गटाला काम करणारा, सामान्य माणसाशी थेट जोडलेला आणि हक्कासाठी निर्भीडपणे लढणारा प्रतिनिधी हवा असल्याची भावना मतदारांमध्ये व्यक्त होत आहे. त्यामुळे ही निवडणूक केवळ एका व्यक्तीची नसून, जनतेच्या विश्वासाची असल्याचे चित्र आहे.
या पार्श्वभूमीवर ‘कामातून ओळख’ निर्माण करणारे नाथा पाटील हेच त्या विश्वासाचे प्रतीक ठरत असून, शेगांव जि. प. गटात त्यांच्या नावाची चर्चा अधिक तीव्र होत चालल्याचे दिसून येत आहे.